حاجتنا اليومية من الحديد

شو هي حاجتنا اليومية من الحديد؟؟
ونقصه خلال الحمل ممكن يضر الجنين؟؟
الحديد الموجود بجسم الإنسان هو طبعاً شي مختلف عن الموجود بالطبيعة, طيب شو هو الحديد الموجود بجسمنا؟ خلوكم معنا..
??الحديد هو واحد من المكونات الأساسية لخضاب الدم (الهيموغلوبين) ولكتير من الهرمونات، والنواقل العصبية، بتم امتصاصه بالأمعاء، ومنها بينتقل للدم. بالدم بيرتبط الحديد ببروتين (اسمه الترانسفيرين)، وهو اللي بنقل الحديد للخلايا، وبشكل أساسي للنخاع العظمي، وهون بتم إنتاج خلايا الدم الحمراء. أما الفائض من الحديد، بيرتبط ببروتين (اسمه الفيريتين)
??عوز الحديد لشو بأدي؟
1- فقر الدم نتيجة تناقص عدد الكريات الحمراء وصغر حجمها وشحوبها.
2- نقص بنقل الأوكسجين للخلايا وخاصة الدماغ.
3- عدم القدرة على تحمل الجو البارد، جلد جاف، تكسر الأظافر.
4- انخفاض القدرة الذهنية للأطفال، لهيك يجب إعطاؤه بالأشهر الأخيرة من الحمل لأنه بيدخل بتركيب الأنزيم الرئيسي (المونو امين أوكسيداز) المسؤول عن صنع الكتير من النواقل العصبية (السيروتونين، الأدرينالين، النورادرينالين).
5- خلل في اصطناع الكتير من الهرمونات والنواقل العصبية.
??شو هي أسباب نقصه؟
1- انخفاض الوارد الغذائي.
2- ازدياد الحاجة الجسمية (حمل، ارضاع، نمو).
3- ازدياد المطروح منه (نزوف وعناصر طفيلية وبلهارسيا والملقوات العفجية).
4- سوء امتصاصه (لاحتواء الغذاء على عناصر مثبطة لامتصاصه) .
??ما الحاجة اليومية من الحديد ؟
بيحتاج الجسم لكميات معينة من الحديد,لتعويض الخسارة اليومية منه واللي بتكون عالأشكال التالية :(براز 1ملغ/يوم، بول 0.6 ملغ/يوم، كل طمث 30 ملغ، كل حمل 500 ملغ).
- لهيك بتكون الحاجة من 1 – 2 ملغ عند الذكور و 2 – 4 ملغ عند الإناث، وبتزيد بحالات الحمل والإرضاع والبلوغ والمراهقة حتى تصل لـ 6 ملغ باليوم.
- بتتقدر نسبة امتصاص الحديد بحليب الأم (49 %)، بينما بتكون (12 %) بحليب البقر يعني أكتر بأربع أضعاف.
?? وامتصاص الحديد من أصل حيواني، أفضل من الحديد اللي من أصل نباتي لأنه بكون بشكل معقد، وفيتامين C بساعد على امتصاص الحديد بشكل أفضل.
??شو هي الأطعمة اللي بتمدنا بالحديد؟
الكبد, الطحال, اللحوم, السبانخ , الحليب.....
#معلومة_من_الموسوعة
- المصدر: موقع موسوعة العلوم العربية
- المراجع: منشورات جامعة دمشق، كتاب الفيزيولوجيا، د.أمل ركاج.
منشورات جامعة دمشق، حيوية 1، د.فايزة القبيلي.