نصائح دراسية لدارسة مادة الرياضيات

[3LOM 4 ALL]

نصائح بالنسبة لدراسة مادة الرياضيات
1- أهم شي دراسة الأفكار عن فهم والابتعاد عن حفظ الحل ممكن نحنا نحفظ طريقة للحل عادي
خطوات الحل كمان عادي


2-اذا الوقت أصبح ضيق على البعض يدرس من مكثفات موثوقة وكاملة حصرا هيك بكون مر عكل التفاصيل مرور سريع ..


3- الحل بالأيد كتير بفيد وخصوصاً لانو الطالب بيتعرض لمواقف سيئة أثناء الحل ممكن يتفاداها بالامتحان كونه مرت عليه وهوه عمحل بأيدو


4- الأفكار المتشابهة مو كل التمارين لازم نحلن واحد واحد ..خلص اللي متل بعضن مشوهن عنفس الطريقة


5-الوعي بطريق طرح السؤال الامتحاني والاطلاع عأسئلة الدورات وحلها وأخذ هاد الشي بدقة


6-قراءة السؤال من الكتاب حصرا ..لانو بكل بساطة طرح السؤال الامتحاني مأخوذ من كتابتو بأسلوب الكتاب مو متل ما الأساتذة ببسطو السؤال ليمرقو فكرتو ويفهموها للطالب


7- الحذر من الأسئلة اللي وردت فكرتن بالكتاب مرة وحدة ..مثلا سؤال الشبكة مافي غيرو بهاد الطرح لازم ناخدو بعين الاعتبار ..


8- تلخيص كل بحث عورقة A4 منكتب فيها كامل تفاصيل البحث كعناويين رئيسية وعناوين فرعية ..يعني هدول هيك واذا شفنا هيك منعمل هيك بهالأسلوب بتبلش الأفكار ترتبط بمخنا شوي شوي

9- قبل الامتحان علينا نراجع من أوراقنا اللي مرتبينن وخصوصاً اذا ما سجل الطالب مراجعة امتحانية وراقو اللي ملخصن هيك بفيدوه طبعاً


10- المراجعة الامتحانية (الجلسات)موضوع نسبي كل طالب لازم ياخد قرارو ويعرف اذا هوه بحاجة استاذ يرتبلو افكارو وينظملو معلوماتو ويعطيه طرق من أين تؤكل العلامة ولا عندو قدرة يشتغل هالشي بنفسه ...


انشالله موفقين جميعاً ولا تيئسوا لأنو رب العالمين ما حيضيع تعبكن أبداً ..
الشغلة بدا إرادة وتصميم وعمل والله الموفق
مدرس مادة الرياضيات
علاء رحال