السنة التحضيرية الطبية - معلومات لكل مهتم بالتسجيل بهذه الكلية

[3LOM 4 ALL]

السنة_التحضيرية وما ادراكم شو هية
تساؤلااات كثيرة حولها ارعبت الناس ولكن قليل من فهمها بشكل جيد
رح نخبركن شغلة حلوة عن هالسنة هي
اول شي عندكن فرصة انو تجربو الكليات التلاتة؛ طب بشري-صيدلة-طب اسنان**
وتشوفو شو يلي بناسبكن اكتر واي فرع حسيتو انكن مرتاحين في
قبل كانو يفوتو الفرع وخلص نقطة انتهى.!!
طيب..وبركي كنت شايف حالك فيك تكمل مثلا وماطلع الفرع مناسب لالك!!؟
فهي احدى الميزات الحلوة
بعدين شغلة تانية رح تكونو طلاب 3 كليات يعني رح تتعرفو عناس كتير ورح يصير عندكن اصدقاء كتير منن مناح وبجننو وبصيرو اهلكن وعيلتكن ومتل اخواتكن
لكن ياعمي! الجانب الاجتماعي اهم شي
وبتصيرو تعرفو الـ 3 كليات شو بدكن احلا من هيك




بالنسبة للمواد: رح تنقسم ل 5 بكل فصل :

مواد الفصل الاول:
1 التشريح : هي المادة الحلوة الصعبة بنفس الوقت?بدا فهم اكيد مو بصم وبتصير ولا اسهل من هيك?شوفو فيديوهات بتفيدكن كتير
2 البيولوجيا : عقدة الطلاب بس انتو قدابشوية فهم ومتابعة كل محاضرة بمحاضرتا بتنفهم مااحلاها
3 الكيمياء : هي منشان الصيادلة مايزعلو
مادة حلوة كتير ومواضيعا نفس البكالوريا تماااما
المنهاج من جامعة كامبرج
4 الحاسوب : بتقولو شو بدنا نحنا بالحاسوب
بس بكرا بتشوفو انو هالمادة اساس بكل الاختصاصات وبتتعلمو شغلات كتيرة منا
5 اللغة الانكليزية الجزء الاول)
مادة ممتعة كتير وسهلة حتى تخيلو انو بتتلحق قبل الفحص
المنهاج من جامعة اوكسفورد

مواد الفصل التاني :
1 الفيزياء الطبية : بتحكي عن الاشعاعات وكيف منستخدما بالامور الطبية وتقنيات الامواج الصوتية والليزر واستخداماتها?مادة حلوة بدا شووية فهم
2 الفيزيولوجيا : المادة الكثيفة بمعلوماتا بتحكي عن وظائف الاعضاء....بس عادي تابعو مع الدكاترة وحاولو تفهموها فهم بطريقتكن انتو ومابيمنع بعض الاشياء تحفظوها وهيكا
3 الاحصاء الطبي : مادة الارقام 1 2 4 5 6
هي يلي بيحب الرياضيات مشان مايزعل?
فيا قوانين غريبة بس بيمرقو مانن صعبين وفيا نظري هاد مساعدة
بدا تنظمو دراستكن فيا وبتفرموها فرم
4 تاريخ الطب
شوفو هي المادة الضربة كانت عنا لانن نزلوها بنص الفصل بس بعد مادرسناها شفنا انها عادية وبس بدا شوية دراسة من اووول الفصل..صحيح كلا اسماء بس مابيجي هيك شي صعب اهم شي الكتب الشهيرة واعمال الاطباء العرب
5 اللغة الانكليزية الجزء التاني)
حكينا عليا قبل




منجي للسلبيات
هلا طريقة الدراسة غير البكالوريا تماااااما
مافي اشرح وفسر وعلل وعدد لا مو هيك! حتكون اسئلة اتمتة-نظام اميركي- حتى طريقة دراستك مو بتمسك الكتاب وبتبصم مابتمشي هيك
لازم تقرا الدرس وتركز عالاشياء المهمة بتكتسبو خبرة بعدين
رح تشوفو انو تغير عليكن الجو اكيد هالشي طبيعي كونو اول سنة جامعة غير المدرسة بس بتتعودو بعدين
#كمان صار عندكن بكالوريا تانية
بس لا تخافو مافي شي سهل?
كلشي بدو دراسة مافي شي بيحي لحالو بدون تعب
ومافي احلا من لحظة تطلع النتيحة وتكون مرفع كل المواد وبعلامات حلوة

[3LOM 4 ALL]

كلمات دلالية:
خدمات الترميز الطبي Medical Coding Services,اعادة تأهيل Rehab,النقاهة (Recovery),الاحتياجات الطبية Medical Needs,مكافحة الآفات Pest Control,العلاج (Treatment),زراعة الشعر Hair Transplant,دم الحبل السري (Cord Blood),درجة سوء mis degree