علوم للجميع , هام اسئلة اختيار من متعدد
 
علوم للجميع || بكالوريا || facebook || من نحن-about
علوم للجميع - الله محمد
اضغط هنا للتواصل معنا
بالامكان البحث بموقع علوم للجميع من خلال المحرك البحث التالي [اظهار مربع البحث]

علوم للجميع | المنتدى


العودة   علوم للجميع | المنتدى > منتدى سوريا > طلبات واستفسارات الطلاب - سوريا

الملاحظات

يحوي قسم الـ ,

طلبات واستفسارات الطلاب - سوريا

بإمكان الطلاب انشاء مواضيع لطلب مايحتاجونه والاستفسار حول الأمور التعليمة في سوريا بالاضافة الى النتائج والمفاضلات و القوانين التعليمية و ... - سؤال وجواب

طريقة التسجيل للطلاب المستجدين بالتعليم المفتوح

إنشاء موضوع جديد إضافة رد
  #1  
الصورة الرمزية 3LOM 4 ALL
3LOM 4 ALL غير متواجد حالياً
مؤسس الموقع


 
افتراضي طريقة التسجيل للطلاب المستجدين بالتعليم المفتوح



طريقة التسجيل للطلاب المستجدين بالتعليم المفتوح
أن شاء الله رح حاول اشرح الموضوع بأبسط طريقة ممكنة وهو بالأصل بسيط بس في طلاب مجرد انها بدها تساوي الشي لاول مرة لازم تكون متوترة وفايتة بالحيط عالعموم اول شي حابب احكي شغلة منشان زملائنا الي انقبلوا بمفاضلة #المعاهد ضروري تنزلوا عالمركز لتعرفوا شو المواد الي عادلولكن ياها ومو شرط اذا رفيقك معو نفس شهادة معهدك يعادلولكن نفس المواد في شي معين بيعتمدوا عليه بموضوع المعادلة ولا تخافوا حتى لو طولت القصة ما بروح عليكن التسجيل لانوا غالبا بيرجع بيتمدد اما بالنسبة لطلاب الي انقبلوا عشهادة البكالوريا ركزوا معي منيح ورح اكتب الموضوع على عدة خطوات:
اولاً بتجهز وراقك منشان التسجيل ولي هني الآتي:
1-صورتين مصدقتين عن شهادة البكالوريا
2-صورة هوية او إخراج قيد للعساكر
3-تسع صور شخصيات 8 منشان التسجيل وفي وحدة رح تلزمكن منشان البطاقة جيب 10 للاحتياط
4-بيان وضع للذكور من شعبة التجنيد وشو ما كانت حالتك خادم جيش مو خادم معفي وحيد مانهن محددين معناها من الكل
5-جماعة الحسومات ورقة عضوية من نقابة المعلمين منشان يكون عندك حسم 20% يعني بتدفع 4000 - وثيقة صادرة عن مكتب شؤون الشهداء بالنسبة لذوي الشهداء ليصير في حسم 50% يعني بتدفع 2500 عالمادة - بالنسبة لحسم العساكر تبع 50% يبدو انو لسا ما أطبق لان مو ذاكرين عنو شي واذا حدا بيسئل وبيتأكد من المركز بكون أفضل
تانياً بعد ما جهزت وراقك بصير دور انك تسحب الاستمارة وتروح تدفع بالبنك الاستمارات لسا ما تفعلت عالاغلب الأحد الصبح تتفعل وما حدا ينزل لانشر بوست انو تفعلت منشان اذا بيتوا بعيد ما ينزل عالفاضي مهم اعتبر انو تفعلت الاستمارات فيك اذا كان عندك طابعة بالبيت او اي مكتبة او مقهى نت بتخلي يسحبلك 4 نسخ وبتعبي فيها بياناتك وكم مادة بدك تنزل هاد الفصل (ناشر بوست بالكروب كاتب فيه لمحة عن المواد فيكن تطلعوا عليه) وإذا في عندك حسميات تحطها بمكانها بالاستمارة بعدين بوجهك عالبنك العقاري السنة الماضية نزلوا قائمة انو كل اختصاص الو فرع معين يدفع فيه وإذا صار هالسنة كمان أكيد بنشرلكن ياها تكرموا وبس دفعت بالبنك رح يعطوك وصل هاد بضموا للوراق الي معك
تالتاً هلأ بقا بعد ما دفعت بوجهك عمركز التعليم المفتوح بالمزة عند المواساة ما بضيع حدا بس تفوت عأيدك اليمين في كشك بتقلوا بدي اضبارة طالب حديث واختصاصك كذا بيعطيك هالاضبارة ضمن مصنف اخضر وطوابع بتحط الطوابع عوحدة من الاستمارات الي سحبتن وبتعبي الاضبارة بمعلومات عنك وبعدها بتحط بهل المصنف الأخضر الاضبارة مع الاستمارات وبقية وراقك وبتسلمهن بالشؤون بيختمولك عالاستمارات كلهن وبياخدوا نسختين منهن


رابعاً هون بقا بتقدم طلب منشان بطاقة الجامعة بقولولك تعا بعد شي عشر تيام خدها وبعدها بوشك عالسكن الجامعي جنب المركز دغري بتفوت لجوا وبتسئل عمستودع الكتب بتعطي استمارة ونسخة تانية من وصل البنك بيعطيك كتب المواد الي مسجل عليهن وبتحمل حالك وبتروح عالبيت مبروك
خامساً فقط للشباب بعد ما ترجع بعد عشر تيام وتستلم البطاقة بتقدم عوثيقة تأجيل بدها شي أسبوعين تقريبا بترجع بتاخدها وبوشك عشعبة التجنيد
اخيراً قبل الفحص بشوي بنزلوا الأرقام الامتحانية هاد الرقم بتكتبوا عبطاقتك وبضل معك لتتخرج ما بيتغير
ملاحظة_صغيرة جماعة الحقوق والدراسات الدبلوماسية ورياض الأطفال نفس الشي بس بدال ما تروح عمركز التعليم المفتوح بتروح عكليتك بتسجل
طلب صغير ساوو تاغات لرفقاتكن ليستفيدوا وما بدي منكن غير دعوة صغيرة عندي تخرج هالسنة موفقين زملائي
عمر حزوري




زوار منتدى علوم للجميع الكرام ,, يشرفنا كتابة ارائكم حول المواضيع المطروحة

[اضافة تعليق]



من مواضيعي

علوم للجميع || التعليم العالي: يحق للطالب عدم تبرير الفصل الثاني 2020
علوم للجميع || نوطة انكليزي تاسع لكامل قواعد ومفردات الكتابين والمواضيع المطلوبة بأسلوب مبسط وسهل جداً
علوم للجميع || بنك اسئلة مع الاجابة العضلات علم احياء حادي عشر فترة ثالثة و رابعة
علوم للجميع || نتائج مفاضلة البكالوريا 2020-2021 (المفاضلة الثانية - المفاضلة العامة)
علوم للجميع || مفاضلة البكالوريا 2019-2020 مفاضلة القبول الجامعي وزارة التعليم العالي
علوم للجميع || أسئلة اختبار المتفوقين الصف السابع و الصف العاشر 2020-2021
علوم للجميع || منحة تعليمية إلى مصر 2020-2021 للمرحلة الجامعية الأولى
علوم للجميع || اسماء المقبولين النهائية بمدارس المتفوقين العاشر والسابع 2020-2021
علوم للجميع || المنهاج الدراسي الجديد 2020-2021 من الاول حتى البكالوريا - وزارة التربية السورية
علوم للجميع || معدل القبول العاشر العام 2020 - 2021 سوريا

 



RSS sitemap RSS 2.0 XML archive HTML
صفحتنا على الفيس بوك صفحتنا على تويتر
The owner and operator of the site is not responsible for the availability of, or any content provided. Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.
سوريا - دمشق
التاسع - البكالوريا