علوم للجميع , هام نتائج الترشيحي 2020 سوريا
 
علوم للجميع || بكالوريا || facebook || من نحن-about || اتصل بنا
علوم للجميع - الله محمد
اضغط هنا للتواصل معنا
بالامكان البحث بموقع علوم للجميع من خلال المحرك البحث التالي [اظهار مربع البحث]

علوم للجميع


العودة   علوم للجميع > منتدى سوريا > سورية ... مدن و أرياف

الملاحظات

يحوي قسم الـ ,

سورية ... مدن و أرياف

كل مايتعلق بوصف سوريا ... سياحة ، مناظر خلابة ... من نصوص ، صور أو فيديو ...

شاميات : أمثال شعبية - مصطلحات - قصص وحكايا وروايات و ...

إنشاء موضوع جديد إضافة رد
قديم 02-01-2014, 01:08 AM   رقم المشاركة : [4]
الصورة الرمزية 3LOM 4 ALL
3LOM 4 ALL 3LOM 4 ALL غير متواجد حالياً
مؤسس الموقع


 
افتراضي رد: شاميات : أمثال شعبية - مصطلحات - قصص وحكايا وروايات و ...

يلي ماداق (ذاق ) المغراية ( عصا تستعمل لحرق الغراء المغلي ) مابيعرف شو الحكاية . ويقال للجاهل ما يدور حوله

- يلي ما بتزينه عروقه , مابتزينه خروقه (لباسه ) . يقال لصاحب الاصل

- خطف الكباية من راس الماعون ( الجرن ) . يقال للمتسرع في الامور

- مو (ليس) كل مين صف الصواني ال (قال ) انا حلواني . يقال للمهارات

- اذا صاحبك عسل لاتلحسه كله . ياقال للطمع بالشيء

- يلي بيته من ازاز (زجاج) مابيضرب الناس بالحجار . يقال لمن هو دون الاتهام

- عميل منيح (جيد ) وكبه (القيه) بالبحر . يقال للحث على فعل الخير

- يلي ما بيحضر ولادة عنزته بتجبله( تأتي له ) جرو . يقال للاعتماد على النفس بالعمل

- من بعد حشيشي عمره ما ينبت حشيش . يقال للأناني

- حط اصبعك بعينك بتوجعك متل ما بتوجع غيرك . يقال لعدم ايذاء الناس

أمثال شعبية شامية


- عشرة الناس بتتعب الراس .

- ياجاري انت بحالك وانا بحالي . يقال في البعد عن اذى الجار

- العين بصيرة والئيد (اليد ) اصيرة (قصيرة ) .يقال في عدم المقدره على فعل مايراد

- يلي بينزل من السما بتستلئيه ( تتلقاه ) الأرض . يقال للتوكل

- خبز الرجال عالرجال دين وعالاندال ( الأنذال ) صدئه (صدقة ) . يقال للوفاء بالشيء

- ضربة المعلم بالف ولو شلفها شلف . يقال في وصف مهارة الشخص

- بيدوب التلج وبيبان المرج . يقال للصبر في معرفة الشيء

- يلي دليلو(دليله ) جردون ياما بدو يفوت ششامي . يقال لمن يتبع الشخص الخطأ

- مو(ليس ) كل اصابيعك متل بعضا ( بعضها) يقال للتمييز بين الاشياء

- نئطة (نقطة ) دم ولاقنطار محبة . يقال للمحبة بين الاسرة

- يلي بياكل العصي مو متل يلي بيعدا(يعدها ) . يقال لمن يتفرج على المهموم

- الحجر يلي مابيعجبك بيفجك (يشجك ) يقال لتقدير قيمة الاخرين



- الحكي (الكلام) الك ياجارة اسمعي يا كنه . يقال لتنبيه الكناين

- فوتة (دخول ) الجار لعند الجار اولها مذله واخرها معيار.يقال لعد الخلطة بين الجيران

- اذا بدك(تريد) مرتك (زوجتك ) تلين (تخضع) عليك بحطب التين .يقال لاخضاع الزوجة

- الإيد (اليد) يلي مابتحبها بوسها وادعي عليها بالكسر .يقال لمن لايقدر على شخص ما

- زوزك (زوجك ) على ما عاودتي وابنك على ما ربيتي . يقال لتقوية المرأة

- غسلي وشك (وجهك) مابتعرفي مين بيبوسو(يقبله) ونضفي (نظفي) بيتك مابتعرفي مين بيدوسو(يزوره)

- بتدء (تضرب) على ركبتها وبتطالع (تبين) كذبتها .يقال في تاليف المرأة للكذب

- الارد (القرد) بعين امه غزال

- يلي مابيغار من جارته بتطء(تطق) مرارته . يقال للتشجيع على المنافسه

- يا مآمنه (مؤمنة ) بالرجال متل المي (الماء) بالغربال . يقال في عدم الامان للرجال

- زيوان البلد ولا امح (قمح ) البلد . يقال في تفضيل اهل الحارة عن الغريب

- لباس مافي (لايوجد) دكه (رباط السروال) باربتعش (14) .يقال لقليل التدبير

- حارتنا ديقة (ضيقة ) ومنعرف بعض .يقال للمتكبر

- على اد (قد) لحافك مد رجليك . يقال للمتهور

- لاتنام بين الأبور (القبور ولاتشوف منامات (احلام) وحشة . يقال لعدم المخاطرة

- يامسترخص اللحم عند المرءة (المرق ) تندم . يقال لمن يتهاون في الشيء

- هالك لو تهلك ولو رموك عالمهلك . يقال للحض على حب الاهل

- البي (قلبي ) على ولدي والب (قلب ) ولدي عالحجر . يقال في عقوق الابناء

- الحماية حمة (حمى ) وبنت الاحما عئرب (عقرب ) مسمة . يقال في وصف بيت الاحمة

- غسالة البطون احلى منه مابيكون . يقال لاصغر الابناء

- الاب عاشئ (عاشق ) والام غيرانه والبنت بالبيت حيرانه . يقال لمن لايسطر على بيته

- يلي بيطلع ( ينظر ) فيي بعين بتطلع فيه بعينتين .





من مواضيعي

علوم للجميع || البكالوريا 2019 سوريا - برنامج امتحان البكالوريا سوريا 2019 الشهادة الثانوية
علوم للجميع || برنامج فحص التاسع 2019 سوريا - البرنامج الامتحاني لشهادتي التعليم الأساسي والإعدادية الشرعية لعام 2019
علوم للجميع || التاسع 2020 برنامج امتحان التاسع 2020 في سوريا
علوم للجميع || بكالوريا 2020 برنامج امتحان البكالوريا الدورة الأولى سوريا
علوم للجميع || أسماء الناجحين بالفحص الترشيحي 2020 - البكالوريا سوريا
علوم للجميع || تصريح حول نتائج اختبارات الترشح 2020
علوم للجميع || نتائج الترشيحي 2020 سوريا
علوم للجميع || فاكس عاجل جدا حول المتقدمين إلى مفاضلة المفتوح
علوم للجميع || منحة تعليمية الى النمسا 2020 لدراسة الدكتوراه
علوم للجميع || مفاضلة منح الجامعات الخاصة 2019-2020 سوريا

 



RSS sitemap RSS 2.0 XML archive HTML
صفحتنا على الفيس بوك صفحتنا على تويتر
The owner and operator of the site is not responsible for the availability of, or any content provided. Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.
سوريا - دمشق
التاسع - البكالوريا