كلية الحقوق - معلومات لكل مهتم بالتسجيل بهذه الكلية

[3LOM 4 ALL]

مجموعة من المعلومات الاساسية لجميع الطلبة الراغبين بالانتساب و دخول دراسة كلية الحقوق محامي
مقدمة عن الكلية الحقوق و الاختصاصات و مستقبل الكلية والمقررات المواد مع بعض الملاحظات و .. المزيد
نرجو من جميع الراغبين بالتعرف على هذا الفرع الحقوق من جامعة دمشق
قراءة الملف جيداً .. و من ثمّ من لديه أي سؤال حول الفرع
حقوق عليه وضعه بتعليق ضمن هذا المنشور ( علوم للجميع )
المعلومات تم تجميعها بكتاب الكتروني pdf

بالامكان تحميله من خلال الرابط التالي

هنـــــــــــــــــــا

[3LOM 4 ALL]

معلومات اضافية من مشاركات الاعضاء


" لكي تبني مجتمعاً سليماً يجب أن تكون #عادلاً "
طالما أنو وقع إختيارك على كلية الحقوق فيا حبذا أن تضع العدل أمام عينيك و تمضي في سبيل تحقيقة .. و ألا تأتي إلى الناس إلا ما ترضى أن يؤتى إليك ..
بداية #الحقوق هو فرع واسع ومتنوع بدو شوية تحلي بالصبر وتروي وطولة بال ودراسة الحقوق هي عبارة عن دراسة لمبادئ الحياة .. تتناول الأسرة والمجتمع المحلي والدولي ..
طبعا الغالبية بيفكروا انو هالكلية بدها ميول أدبية وقدرات خارقة عالحفظ و إذا كنت طالب علمي ح تلاقي صعوبة أكتر من الطالب الأدبي ! #ولكن بالعكس تماماً هالفرع بيعتمد عالفهم قبل الحفظ ولازم تفهموا يلي عم تدرسوه لحتى تقدروا تحفظوا وفي كتار من خريجي الحقوق شهادتهن الثانوية علمي ..
-الحقوق من الكليات النظرية يعني مافيها علامة حضور بس هالشي مابيعني انو ما تحضروا منوب .. ! فيها مواد مو ضروري الحضور فيها مواد يفضل الحضور فيها لحتى يوضح مضمون المقرر وكيفية دراستو ..
*الدوام 5 أيام بالأسبوع من الأحد للخميس وأغلب الأيام بتبلش فيها أول محاضرة الساعة 8 وبتنتهي أخر محاضرة الساعة 4 .. -لاتفكروا تختاروا الحقوق لمجرد مكانتها الإجتماعية ولينادولك الناس محامي/ة أو قاضي/ة أو أو... يعني لا تبنوا عليها مستقبلكن "عالمظاهر" وشيلوها من راسكن لهالفكرة وركزوا على رغبتكن وميولكن واذا بتلاقوا حالكن بهالمجال أما لأ .. ويلي بفوتوا الحقوق عن رغبة أكيد ح يأبدعوا فيها مو بس مجرد انهن ينجحوا ! و رح يحسنوا يكملوا فيها رغم الصعوبات يلي بتواجههن بهالكلية.. وكمان في طلاب بيختاروا الحقوق ومالهن رغبة بدراستها بس بعدين بحبوها وبيقتنعوا فيها
*مدة الدراسة هي 4 سنوات وفي إمتحان وطني قبل التخرج
وقرار الإمتحان الوطني لكلية الحقوق مالهن زمان طالعينلنا فيه
عنا مواد منقدمها بشكل تقليدي و مواد أتمتة "اختيار من متعدد"
-بالسنة الرابعة في 5 مجموعات (القانون الجزائي - الدولي-العام - الخاص- التجاري ) بيختار منهن الطالب مواد يلي بدو يقدمها طبعاً هالاختيار ما بأثر على العمل بعد التخرج .. يعني يلي بيختار مجموعة القانون الجزائي مو ضروري يلتزم بعدين ب انو يصير محامي جزائي
*في سنتين تمرين بعد التخرج بالنسبة ل يلي حابين يكملوا بمهنة المحاماة
*مجالات العمل بعد التخرج هي : 1-ممارسة مهنة المحاماة بعد التسجيل بالنقابة 2- مهنة القضاء بعد الإنتساب لدورة المعهد القضائي للتخرج كقاضٍ 3-العمل بشركات القطاع المشترك والخاص 4-التعيين بالوظيفة العامة بشتى مجالات القطاع العام 5- الإلتحاق بكلية الشرطة للتخرج كضباط في قوى الأمن الداخلي 6-التعيين كعضو من أعضاء الهيئة التدريسية والقائمين بالأعمال بعد اجتياز المسابقة المشروطة 7- العمل الإستشاري لصالح القطاعين العام والخاص .. *مصدر الدراسة : الكتب أو المحاضرات على حسب يلي بترتاحوا عليه .. طبعاً المحاضرات هي نفس مضمون الكتاب يعني مافي شي بيختلف و الإختلاف إن وجد ف بكون شي بسيط ..