علوم للجميع , هام اسئلة اختيار من متعدد
 
علوم للجميع || بكالوريا || تاسع || facebook || من نحن-about | |
بالامكان البحث بموقع علوم للجميع من خلال المحرك البحث التالي [اظهار مربع البحث]

علوم للجميع | المنتدى


العودة   علوم للجميع | المنتدى > منتدى سوريا > طلبات واستفسارات الطلاب - سوريا

الملاحظات

يحوي قسم الـ ,

طلبات واستفسارات الطلاب - سوريا

بإمكان الطلاب انشاء مواضيع لطلب مايحتاجونه والاستفسار حول الأمور التعليمة في سوريا بالاضافة الى النتائج والمفاضلات و القوانين التعليمية و ... - سؤال وجواب

المنحة الهنغارية 2020

إنشاء موضوع جديد إضافة رد
  #1  
الصورة الرمزية 3LOM 4 ALL
3LOM 4 ALL غير متواجد حالياً
مؤسس الموقع


 
افتراضي المنحة الهنغارية 2020



المنحة الهنغارية 2020
المنحة الهنغارية ننصح بها جميع الراغبين بالحصول على منحة تعليمية ودراسية الى اوربا
المنحة الهنغارية تتضمن جميع التكاليف الدراسية والمعيشية من سكن وغذاء
وهي بالنهاية منحة دراسية الى اوربا - هنغاريا 2020
بكالوريوس - ماستر - دكتوراه
وتقريبا كلشي اختصاصات موجودة بالمنحة ( اختصاصات طبية - هندسات -.....)

لتوضيح المنحة الهنغارية بشكل دقيق وكافي - سنقوم بعرض شرحين منفصلين عن المنحة الهنغارية 2020







الشرح الأول


منحة الحكومة الهنغارية
اليوم رح احكي عن وحدة من أهم المنح العالمية بالنسبة لالنا ويلي بشوفا انها فرصة كبيرة لكل حدا حابب انو يكفي دراستو بأوروبا.
ورح نقدم عليها سوا وانشالله من خلال هالبوست كلياتنا رح نقدم طلبات مميزة و صحيحة 100%

- بالبداية المنحة بتفتح سنوياً بشهر 11 (حاليا فتحت المنحة).
المراحل الدراسية بالمنحة :
بكالوريوس - ماستر - دكتوراه
وتقريبا كلشي اختصاصات موجودة بالمنحة ( اختصاصات طبية - هندسات -.....)

المنحة الهنغارية كل سنة بتقدم عدد محدود من الكراسي لكل دولة..والسنة الماضية كانت حصة سوريا عبارة عن 250 كرسي متنوعين بين البكالوريوس والماستر والدكتوراه من أصل ما يقارب ال 5000 كرسي..
التركيز بشكل عام عم يجي لطلاب الماستر والدكتوراه اكتر من طلاب البكالوريوس ( مثلاً السنة الماضية ما بتذكر قبلوا اكتر من 30 طالب بكالوريوس من اصل 250 مقبول من سوريا ).
الاختصاصات يلي ركزوا عليها السنة الماضية بالبكالوريوس هنن اختصاصات الحاسب بشكل عام ( هندسة المعلوماتية - والفروع يلي قريبة منها )
بس هالحكي بيختلف من سنة لتانية وما حدا بيعرف شو ممكن يصير فمشان هيك رح نتوكل على الله ونقدم وانشالله الحظ بكون معنا هالسنة..

- في شغلة مهمة بهالمنحة وهية انو منقدر نقدم بشكل شرطي حتى نكمل كل وراقنا لشهر 8 تقريبا ( التاريخ ممكن يتغير هالسنة ) بس في وراق ضروري تكون موجودة بالطلب يلي رح نقدمو متل كشف العلامات ورسائل الدافع اما جواز السفر والشهادة واثبات اللغة ممكن نأجلهون لشهر 8..

شو بتغطي هالمنحة ؟


- سكن او بدل سكن بما يقارب ال 135 يورو.
- بدل معيشة بما يقارب ال 140 يورو ( اما لطلاب الدكتوراه 450 يورو ).
سكن المعيشة ممكن ما يكفينا هالشي بيعتمد على نمط المعيشة و المدينة يلي رح تدرس فيها..ممكن الطالب يحتاج مبلغ بسيط فوق البدل..
بس مانا مشكلة لانو الطالب بيقدر يشتغل 24 ساعة بالاسبوع وبتصور هيك بكون ماعد في مشاكل مادية..
- ما مننسى طبعا فيزا ال تشنغن يلي بتسمح بدخول اهم الدول الاوروبية..

في شغلة بدي احكي عنها قبل ما احكي عن طريقة التقديم هية الشريك السوري :

المنحة كل سنة بتحدد شريك بداخل سوريا مسؤول عن تصفية الطلبات...
بعد ما نقدم طلباتنا للمنحة..المنحة بترجع بتبعت الطلبات للشريك السوري يلي هو بكون غالبا جامعة دمشق..
الشريك السوري بحط شروط زيادة عن المنحة وممكن يعمل مقابلات وبعدين بيختار العدد المطلوب يلي هو 250 شخص وبضيف حوالي ال 100 طالب زيادة وبيبعت هالاسماء للمنحة مرة تانية .. الشروط السنة الماضية كانت :
- جواز سفر ساري المفعول ( هاد الشي ما كان مطلوب بالمنحة لحتى شهر 8 ).
- تحقيق شرط اللغة الانكليزية.
- لازم يكون المتقدم بداخل الاراضي السورية حصرا..

آلية القبول :
بعد ما نعبي طلباتنا ونجهزها ونبعتها لموقع المنحة رح تقوم ادارة المنحة ببعت الطلبات للشريك السوري يلي حكيت عنو قبل شوي..بعدين الاسماء المقبولة من الشريك رح تنبعت لادارة المنحة مرة تانية والمنحة رح تبعت الموافقات للطلاب يلي انقبلوا ( هاد القبول مبدئي لسا )
الجامعة يلي اخترناها بالرغبة الاولى لح تتواصل معنا وتحددلنا موعد للمقابلة ( غالبا سكايب ) اذا كانت لغتك الانكليزية جيدة ف انت غالبا رح تنقبل
المقابلة عبارة عن اسئلة روتينية متل :
احكيلنا عن حالك - سبب رغبتك بهاد الفرع - طموحك بعد التخرج -....

اذا انرفضت من الجامعة الاولى لح تنتظر رد الجامعة التانية واذا رفضتك كمان ف أنت برا المنحة اكيد..

طريقة التقدية عالمنحة :
- اول شي منفوت عالرابط يلي رح حطو تحت ( موقع المنحة ) رح نعمل حساب عالموقع وهنن بيبعتلونا كود عالايميل هاد الكود بتصير بتفوت فيه على طلبك بالموقع
- تاني خطوة هية اختيار التخصص والجامعة :
منفوت عالبحث ومنحط الرغبة يلي بدنا ياها بيطلعولنا الجامعات يلي متواجد فيها الاختصاص يلي حطيناه بعدين رح نعمل تصفية نحنا بين هالجامعات لنختار افضل 2 ونقدم عليهون ... كيف ?

رح ندخل لكل جامعة ونشوف المتطلبات يلي طالبتا متل شهادة الانكلش وشكل المقابلة وعدد الكراسي المقدمة
اغلب الجامعات عم تكتفي بشهادة B2 للانكلش وبمقابلة عالسكايب .. بس في جامعات بتطلب توفل او ايلتس هي رح نبعد عنها ( بالنسبة للاشخاص يلي مامعها ).
وهيك رح نختار افضل جامعتين تكون شروطون سهلة وعدد الكراسي المقدم للمنحة كبير..
السنوات الماضية كانت المنحة بتخليك تحط 3 جامعات اما السنة الماضية صاروا جامعتين بس ( رغبتين يعني )
- الخطوة التالتة
بعد ما نختار الجامعات رح نبلش بتعبئة الطلب الخاص فينا ويلي هو عبارة عن تعبئة معلومات عادية متلو متل اي منحة تانية..
وبعدا رح نضيف المستندات الموجودة بين ايدينا ونقدم طلبنا..
* بعد ما تبعت الطلب ماعد فيك تعمل اي تعديل عليه *

المنحة بتطلب منك رسالة دافع :
فينا نعمل رسالة دافع كتير مميزة لحالنا بدون ايا مساعدة من حدا..
مندخل على غوغل ومنشوف نماذج جاهزة ونحاول نقلدها وما بنصح بطريقة النسخ واللصق ابدا فينا نقتبس طريقة الكتابة والترتيب بس مو اكتر..
منحكي برسالة الدافع شو رح تفيدنا المنحة شخصيا وشو رح نقدم لبلدنا بعد ما نرجع عليها
فينا نفس رسالة الدافع نبعتها للجامعتين..

فرضا كنت مختار الرغبتين غير بعض متل طب وهندسة ( هاد الشي ما بنصح فيه ابدا ) يفضل الرغبتين يكونوا نفس بعض او كتيير قراب عبعض مشان المنحة ما تفكر انك ضايع ومالك عرفان شو بدك..

- وبنصح بشغلة كتير مهمة :
كلشي شهادات عندك ياها بالبيت لالك حطها مع طلبك ( شهادات بمجالك - اعمال تطوعية - شهادات رياضية -...)
هالقصة كتير مهمة ... المنحة بتهتم انك تكون انسان فعال بالمجتمع والك حياتك الاجتماعية الخاصة فيك وتكون قادر على تحمل المسؤولية ( يعني تكون بتعرف تدبر امورك )

القبول النهائي رح يوصل تقريبا ببداية الشهر السابع ( الشريك السوري رح يعلن عنهن ) ورح يكون في اسماء زيادة في حال حدا قرر الانسحاب.

~ وأخيرا رابط التقديم :



هنــــــــــــــــــــ ــــا
______________________ _________

- طريقة التقديم سهلة مانها صعبة بس انا حاولت اشرح كتيير مشان ما اقدو وصل كلشي معلومات عندي ومشان الكل يقدر يقدم بنفسو..
( كتير بهمني انو الكل يقدر يقدم لحالو بدون ما يستعين بحدا يقدم عنو ممكن الواحد يسأل مو غلط ابدا بس الغلط انك تخلي حدا يقدم عنك لازم تشتغل بايدك )
- بعتذر عالاطالة وانشالله كون قدرت وصل كلشي معلومات عن المنحة بشكل جيد..























الشرح الثاني


محتوى معد للطلاب السوريين
المختصر المفيد عن المنحة الهنغارية
____________________

تفصيلي و دقيق ..
وشوية مفاصل هامة .... اخر شي حكيان مين رح ينقبل
الشرح التوضيحي عن المنحةالهنغارية

____
بشكل عام انا بنصح و بشدد على كل حدا يحلم بشكل حقيقي بمتابعة دراسته من خلال منحة اوربية بأنو يحط هي المنحة نصب عينيه
___
مطلوب للتقدم
للبكالوريوس
شهادة بكالوريا و جواز سفر و رسالتين توصية
للماستر
بكالوريا و شهادة جامعة وكشف علامات للجامعة و رسالتين توصية
للدكتوراه نفس الماستر و منزيد عليهم شهادة و كشف علامات ماجستير و مخطط بحث لرسالة الدكتوراه
____
مطلوب لكل المراحل
تقرير طبي بتجيبو من اي طبيب عام بيكتب فيه انك خالي من الامراض السارية والمعدية و بتصدقو اصولا
_____
مطلوب للكل
شهادة لغة مستوى B2 للغالبية و في بعض الاختصاصات بيطلبو مستوى اعلى بشكل عام اختبار قيد الماجستير كافي نوعا ما او بيقدر يخليك تتجاوز المرحلة الاولى من حيث المبدأ
___
من وين بدي جيب الشهادة
بكل بساطة مافي داعي تعمل دورة اذا مانك عامل
بتروح على المعاهد المعتمدة و المرخصة باي مكان بسوريا بتطلب منهم يعملولك تحديد مستوى
____
كم اختصاص او فرع بيحقلك تفاضل؟!

يحق لك يا اخي الطالب انك تتقدم لــ اختصاصاين او رغبتين بالمنحة الهنغارية
____
اذا كنت فنان او كنت رسام او مهندس عمارة بيحقلك انك تحط لينك عن اعمالك او تحمل صور عالموقع
____
كمان بدي احكي انو لازم وضروري تحمل نسخ الشهادات بالعربي (الاصلية) و المترجمة سوا عالأبلكيشن المنحة
واحد منهم مابيكفي
____
اذا بدك تنقبل بالهنغارية و معتمد و مركز .. انت رح تنقبل

__
اي استفسار انا جاهز دائما
تحية طيبة .. اتمنى لكم دائم النجاح والتوفيق
______
اخر شيء
مين رح ينقبل
البكالوريوس
انت طالب خريج بكالوريا جديد عندك خبرة عمل طوعي مع مجتمع محلي ولغتك الانكليزية كتير منيحة ..قدم فورا ولا تنتظر
الماستر
لغتك منيحة عندك عمل طوعي و خبرة عمل قدم فورا لا تنتظر ورح تنقبل
الدكتوراه
قدم فورا وجهز خطة بحث مميزة وفكرة مهمة و رح تنقبل

___________
رابط التقدم الرسمي للمنحة




هنــــــــــــــــــــ ــــا















زوار منتدى علوم للجميع الكرام ,, يشرفنا كتابة ارائكم حول المواضيع المطروحة
خدمات الأعمال Business Services، سيارات Cars، الغاز / الكهرباء (Gas/Electricity)، تأمين Insurance

[اضافة تعليق]



من مواضيعي

علوم للجميع || نصائح لتحسين التركيز في رمضان
علوم للجميع || النماذج الوزارية الرسمية المؤتمتة للبكالوريا 2024
علوم للجميع || بكالوريا تاسع سوريا إلغاء الدورة التكميلية واتمتة الامتحانات
علوم للجميع || اساسيات التحليل الرياضي لطالب البكالوريا
علوم للجميع || منحة تعليمية إلى روسيا 2024-2025 وزارة التعليم العالي
علوم للجميع || منحة تعليمية الى كوبا 2023-2024 منحة لدراسة الطب
علوم للجميع || منحة تعليمية الى مصر 2023-2024
علوم للجميع || منحة دراسية الى ماليزيا 2023-2024
علوم للجميع || خرائط وملخص رياضيات البكالوريا العلمي
علوم للجميع || منح دراسية في رومانية (مرحلة جامعية أولى- ماجستير -دكتوراه)

 




RSS sitemap RSS 2.0 XML archive HTML
صفحتنا على الفيس بوك صفحتنا على تويتر
The owner and operator of the site is not responsible for the availability of, or any content provided. Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.
سوريا - دمشق
التاسع - البكالوريا