علوم للجميع , هام اسئلة اختيار من متعدد
 
علوم للجميع || بكالوريا || تاسع || facebook || من نحن-about | |
بالامكان البحث بموقع علوم للجميع من خلال المحرك البحث التالي [اظهار مربع البحث]

علوم للجميع | المنتدى


العودة   علوم للجميع | المنتدى > الترفيه > سيارات

بدلت البطارية او شبيت السيارة ضرب عندي الكمبيوتر

إنشاء موضوع جديد إضافة رد
  #1  
الصورة الرمزية 3LOM 4 ALL
3LOM 4 ALL غير متواجد حالياً
مؤسس الموقع


 
افتراضي بدلت البطارية او شبيت السيارة ضرب عندي الكمبيوتر



السلام عليكم
(بدلت البطارية ضرب عندي الكمبيوتر )
(شبيت السيارة ضرب عندي الكمبيوتر)
جملتين تترددان عندنا كثيرا
السؤال
* هل تبديل البطاريةاو تشبية السيارة بتضرب الكمبيوتر
الجواب حتى نشرحو بدو طولة بال تحملوني اذا طولت...
كمبيوتر السيارة (مثل الموبايل) بحتوي على ذاكرتين او برنامجين
1 : ذاكرة دائمة تحتوي على برنامج السيارة الاساسي اللي بيتحكم بكل مفاصل السيارة وهاد مستحيل ينمسح او يصيبو شي الا بواسطة كمبيوتر خارجي ينوصل عليه ويغير باعداداتو متل مابعملو الراغبين بتعديل السيارات لما بدهن يبدلو من غيار عادي الى اوتو مثلا فلازم يمسحو برنامج القديم وينزلو الجديد
2 : ذاكرة مؤقتة .مكتسبة وهي الذاكرة اللي بيقراها الكمبيوتر من عمليات سير السيارة وعلى اساسها ببرمج عمل السيارة بالكامل
مثال عداد الرحلات(كمبيوتر الرحلات trip) اللي بيعطيك عدد الكيلومترات اللي بتمشيك ياها البنزينات اللي عندك ..هي بيجيبها من ظروف المشي كل 10 كلم بيعطيك قراءة جديدة وتحملو الاطالة بس الفكرة لازم توصل للجميع
من تجربتي بكون ماشي بالبلد وبريد اعبي بنزين و اسافر لما بفلل السيارة بيعطيني عداد الرحلات انو البنزين بيمشيك 480 كم ولكن بمجرد ما استلم طريق السفر وامشي 10 كم تماما بتلاقي العداد عطاني 600 كم ؟؟؟!!!!!!!!!!؟؟؟؟!!
طيب شو اللي صار ..بحثت عن الموضوع ووجدت الحل
لما عبيت بنزين كانت الذاكرة المؤقتة مبرمجة على مشي البلد فعطاني كمية البنزين بتكفيني ل480 كم جوا البلد
ولما مشيت بسرعة كبيرة اخد معلومات جديدة ومعطيات جديدة وسجلها ورجع حسب البنزينات لقاها بتكفي ل 600 كم فقام بتصليح الرقم
مثال تاني ..الكمبيوتر بياخد قراءات دائمة لظروف سير السيارة هل هي بالمدينة ام بالسفر ..برد ..حرارة...صعود هبوط غبار ..وعورة طريق ... الخ وبيبرمج جميع اجهزة السيارة للعمل مناسبة لظروف القيادة هذه


مثال ثالث..السيارات الموجود فيها مكيف الي ( ديجيتال) تحتوي الذاكرة الموقتة على كم هائل من المعلومات عنه وسوف تمحى هذه المعلومات بالكامل وتستعاد عند وصل البطارية الجديدة تدريجيا خلال 15 دقيقة (جهزت منشور كامل عن مكيف الديجيتال ستجدون فيه معلومات جديدة جدا )
كل هذه المعلومات تسجل بالذاكرة المؤقتة
ومن ضمن الذاكرة المؤقتة طبعا الساعة والتاريخ وبرمجة قنوات الراديو ...الخ
هي هيه الذاكرة المؤقتة..
فعليا عند تبديل بطارية السيارة تبقى الذاكرة الدائمةو بتنمسح الذاكرة المؤقته (في بعض السيارات وليس كلها)ولكن الامر بسيط جدا
بمجرد سير السيارة 50 او 100 كم رح يرجع الكمبيوتر يسترجع الذاكرة المؤقتة تبعو تماما وبترجع السيارة لطبيعتها (ماعدا الساعة والراديو الا في بعض السيارات)يعني مافي خوف اذا خربطت السيارة شوي اذا بدلت البطارية لانها رح تستعيد اليا كل مايلزمها
ولكن هناك بعض السيارات في طريقة خاصة لتبديل البطارية لانو تصميمها بيعتبر انو فك البطارية محاولة لسرقة السيارة ..فبيمحي كود المفتاح(رح احكي عن كود المفتاح وطريقة عملو بمنشور قادم) وبيمحي كود المسجلة ومنها ماصار معنا بالسكودا اوكتافيا عند تبديل بطاريتها بشكل خاطئ
هاد الوضع الطبيعي لكل السيارات اذا تبدلت بطاريتها بشكل سليم لانو الخطأ في تبديل البطارية ما عبأثر على الذاكرتين السابقتين ولكن عبيضرب المعالج تبع الكمبيوتر وطبعا الحكي اللي عبحكيه بينطبق على 90% من السيارات اللي عنا بالبلد اما في امور تانية كتير ماحكيت عنها لانها كتير قليلة وممكن تخالف اللي حكيتو فوق
اخيرا في بعض انواع سيارات لازم نقلها اننا غيرنا البطارية او اجرينا اصلاحات بدارتها الكهربائية وبالتالي بحاجة لبرمجة آنية (ترسيت) وشغلتها بسيطة ومعلومة للجميع
وهيه فتح الكونتاك لمدة 30 ثانية واغلاقه ثلاث مرات ثم تشغيل السيارة ...
ورح انشر بمنشور لاحق خطوات تبديل البطارية السليم تجنبا للاطالة لانو في شباب ركزو على الاختصار بالمنشورات رغم ان الاطالة ضرورية في بعض الاحيان لان نقل المعلومة كتابة من اصعب طرق نقل المعلومة وللاسف معظم الفيديوهات التي اخذ منها المعلومة باللغة الانكليزية لايمكن نشرها ووجدت للاسف ان الفيديوهات العربية معظمها موجهة للدعاية لمنتج ما وتعطي معلومات خاطئة لغايات تجارية ومثالها فيديو عن مواد غسيل المحرك الداخلي التي ثبت من عدة مواقع اجنبية ضررها البالغ





زوار منتدى علوم للجميع الكرام ,, يشرفنا كتابة ارائكم حول المواضيع المطروحة
خدمات الأعمال Business Services، سيارات Cars، الغاز / الكهرباء (Gas/Electricity)، تأمين Insurance

[اضافة تعليق]



من مواضيعي

علوم للجميع || نصائح لتحسين التركيز في رمضان
علوم للجميع || النماذج الوزارية الرسمية المؤتمتة للبكالوريا 2024
علوم للجميع || بكالوريا تاسع سوريا إلغاء الدورة التكميلية واتمتة الامتحانات
علوم للجميع || اساسيات التحليل الرياضي لطالب البكالوريا
علوم للجميع || منحة تعليمية إلى روسيا 2024-2025 وزارة التعليم العالي
علوم للجميع || منحة تعليمية الى كوبا 2023-2024 منحة لدراسة الطب
علوم للجميع || منحة تعليمية الى مصر 2023-2024
علوم للجميع || منحة دراسية الى ماليزيا 2023-2024
علوم للجميع || خرائط وملخص رياضيات البكالوريا العلمي
علوم للجميع || منح دراسية في رومانية (مرحلة جامعية أولى- ماجستير -دكتوراه)

 




RSS sitemap RSS 2.0 XML archive HTML
صفحتنا على الفيس بوك صفحتنا على تويتر
The owner and operator of the site is not responsible for the availability of, or any content provided. Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.
سوريا - دمشق
التاسع - البكالوريا