التعليم المفتوح شرح مفصل

بالنسبة يلي عم يسأل عن التعليم المفتوح
أولاً : التعليم المفتوح مو غالي متل مو مفكرين يعني رسومه تقريباً بالسنة 50 ألف متل الموازي موزعة على فصلين كل فصل 25 .
(سعر المادة 5000 او 7000، كل فصل بتاخد مثلاً خمس مواد)
وفي خصم لأبناء الهيئة التدريسية وأبناء المعلمين.
ثانياً : التعليم المفتوح جامعة معترف فيها داخل سوريا بشكل نظامي بأغلب دوائر الدولة للتوظيف وللعمل بمؤسسات الدولة والنقابات والقضاء والمحاماة والمحاسبة والإعلام والسفارات وكل شي ..
ثالثاً : الاختصاصات الموجودة : المحاسبة، إدارة المشروعات (الأعمال) ، الإعلام ، الحقوق (دراسات قانونية) ، الترجمة ، رياض الأطفال ، العلوم السياسية (علاقات دبلوماسية) ويوجد ببعض المحافظات ترجمة فرنسي وتخصص بحمص اسمه تسويق وتجارة إلكترونية ..
رابعاً: المعدلات :
معدلات جامعة دمشق تقريباً 125 للعلمي وللأدبي 140، ويلي مو محقق هالعلامات بسجل بجامعة حلب وبجامعة الفرات فيهم اختصاصين إدارة مشروعات وحقوق وبينقل تاني سنة على دمشق..
معدلات جامعة حلب والفرات : 110 أدبي 120 علمي
يعني ماحدا عندو عذر ما يسجل بالجامعة الكل يسجل
التعليم المفتوح يعادل الكليات النظامية يعني مثلاً واحد درس حقوق تعليم مفتوح بكمل محاماة وقضاء وبيتوظف بالدولة وبكل مكان ماعليه أي مشاكل، لاتسمعوا كلام العوام ..
الشهادة صادرة من الجامعات الأم يعني مثلاً إجازة في الاقتصاد تخصص المحاسبة من كلية الاقتصاد بجامعة دمشق قسم التعليم المفتوح.
التسجيل بيبدا تقريباً بأول شهر 10 بعد انتهاء مفاضلة الموازي، وبيستمر لنهاية شهر 11 والدوام بكون يوم الجمعة والسبت بمحاضرات فيها مختصر الكتاب والأسئلة بتجي من المحاضرات طبعاً بالامتحان ..
التعليم المفتوح بيسمحلك تشتغل وتدرس
يعني شو 50 ألف ؟ قسط الروضة أكتر من هيك يعني إذا عم تشتغل براتب 5000 بكفيك لحتى تسجل وتدرس وتتابع تعليمك.