خطوات التقدم إلى مسابقة وزارة التربية السورية 2017

الاستاذ المحامي: عمار السالم
بداية لابد ان تكون حاصل على اجازة جامعية اودبلوم او ماستر اودكتوراه من احد الاختصاصات المطلوبة وطبعا كل ماكانت شهادتك ومعدلك اعلى كل ماكانت فرصتك اعلى بالقبول بس هاد لايخليك تتشائم حاول يلي عليك واتكل ع الله ولاتفوتوا بقصة واسطة ومابدن ومابعرف شو هالتفكير سلبي جدا
اذا لابد من الحصول على صورة مصدقة عن مصدقة التخرج حصرا اما بخصوص الاشعار مع بيان معدل فمرفوض بس نصيحتي الكن جربوا وحاولوا بجوز يمشي الحال على الاشعار ان شالله
واضافة لصورة المصدقة لازم نكون مسجلين بوزارة العمل بمكتب التشغيل ومعنا وثيقة عمل على الشهادة يلي بدنا نقدم ع اساسها المسابقة وفي حال ماكانت ع الشهادة فيك تراجع وتعدل شهادة قيد العمل وبالنسبه للأشخاص يلي منن مسجلين على وثيقة قيد عمل بأمكانك تراجع مديرية العمل بمحافظتك او بدمشق وتسجل بعد ماتكون مرفق الاوراق يلي هي شهادتك وصورتين شخصيات وثيقة غير موظف
اذا هيك بكون صار معي وثيقة قيد عمل ومصدقة تخرج فبيبقى بدي موافقة الجهة التي اعمل لديها فحال كنت موظف ثابت
بعد ماتكون هالاوراق معي بسحب حالي وبراجع مديرية التربية في احد المحافظات من تاريخ 4/2وحتى 4/20وبقدم طلب اشتراك بالمسابقة وبختار المحافظات التي ارغب بالتعيين فيها وفيني اقدم بأي مديرية وحط رغبات لاي مديرية مابهم بس في حال تعينت بمحافظة ما بالتالي ممنوع النقل والندب الا بعد خمس سنوات الا في حال الزواج فبصير لم شمل
وبعد ماتسجل بالمديرية بتستنى موعد الامتحان التحريري و يلي فيك تقدم عليه بالمحافظة يلي قدمت طلب التسجيل فيها و هالامتحان هو اتمته فيو اسئلة ثقافة عامة تتضمن اسم عواصم او تاريخ مؤتمرات وماشابه اضافة الى اسئلة في القانون الاساسي للعاملين في الدولة تتضمن اسئلة عن الاجازات التي يستحقها الموظف والعقوبات والترفيعات وحسم نسبه الضريبه وكيف يستقيل الموظف واحكام النقل والندب اضافة الى اسئلة تتعلق باختصاصك في نوطات الها بمكتاب حد مديريات التربية واحنا بغروب نبض الجامعات اذا قدرنا نأمن رح ننشرها ببوست
وبعد هالتحريري يلي بنجح بقدم شفهي والشفهي بشوفوا شخصيتك واسلوبك وبجوز يسألوك كم سؤال
وبخصوص الطلاب يلي مسجلين ماستر او دبلوم ولسا ماخلصوا فشو بقدروا يستفيدوا ؟ صراحة مافيك تستفيد بشي الا انك وقت الشفهي خبر لجنة الشفهي وانت جوا بهالشي بجوز ياخدوه بعين الاعتبار
وجماعة المعاهد بعينكن الله بهالمسابقة ما ألكن نصيب واحتمال صدور مسابقة بعد ست اشهر تخص المعاهد
وبالنسبه للشباب يلي بالجيش او الاحتياط فيك تقدم وبالنسبه للي مو خادم كمان فيك تقدم بس بشرط ماتتخلف عن الجيش وقت يصير تعينك اذا خلص تأجيلك
وجماعة المفتوح مسموح يقدموا ومتلن متل النظامي
وملاحظة مهمة يبقى تتأكدوا من مديرية التربية من هالتفاصيل لأن معلوماتن ادق
واخيرا بتمنى التوفيق للجميع وبتمنى الكل يقدم ويشارك ويتفائل