ماهو الترفع الفصلي في الجامعات السورية

1 - بعد رسوب الطالب في السنة وإعادة تقديم المواد المحمولة في الفصل الأول من السنة التالية يترفع فصلياً إن استطاع ترفيع جميع مواده وبقي لديه أربعة مقررات أو أقل من أربعة .
يعني (انت مثلاً طالب سنة تانية ورسبت لأن عندك 8 مواد واجيت قدمت بالفصل الأول بالسنة يلي بعدا هدول المواد ورفعت 4 وحملت أربعة بصير اسمك ترفعت فصلي بس هيك ما بحقلك تنزل مواد من السنة التالتة وفي حال ضليت حامل 3 مواد بحقلك تنزل بس مادة وحدة من السنة التالتة وفي حال كنت حامل بس مادتين أو مادة وحدة أو ولا مادة بحقلك تنزل مادتين فقط من السنة التالتة مادتين فقط ) و أساس هي الشغلة مشان تخفف ع حالك من مواد السنة التالتة وتقدم المواد يلي حاملا بالفصل التاني .
2 - ولا يمكن للطالب أن يسجل في السنة الجديدة التي ترفع إليها حتى بداية العام الدراسي التالي ولكن بإمكانه الحصول على مصدقة تبين أنه مترفع إلى السنة التالية في الفصل الثاني .
يعني ( انت ترفعت فصلي بالفصل الأول بس ما فيك تسجل ولا تختم بطاقتك انك ترفعت لبداية السنة يلي بعدا وبتقدم المواد المحمولة بالفصل التاني على نفس الرقم الامتحاني بس فيك تقدم على مصدقة وبتاخدا بالفصل التاني ) .
3- المادتان التي يقدمهما الطالب من السنة التالية يجب أن تكون مادتي فصل ثاني حصراً وفي بداية السنة الجديدة لا يمكن للطالب تقديم مواد الفصل الأول إلا في الفصل الأول ومواد الفصل الثاني في الفصل الثاني .
يعني ( انت رسبت وقدمت بالفصل الأول وحملت مادتين وترفعت فصلي وصار بدك تنزل مادتين من السنة اللي بعدا .. هدول المادتين لازم يكونوا مواد فصل تاني مو مواد فصل أول ) ولما بدك تسجل ببداية السنة الجديدة وتختم بطاقتك بتقدم امتحان متلك متل الطالب المستجد بهي السنة يعني مواد الفصل الأول بالفصل الأول ومواد الفصل التاني بالفصل التاني فقط .
ملاحظة : المواد التي يحملها الطالب من السنوات السابقة يحق له تقديمها في أي فصل يريده .