تعلن جامعة البعث عن مفاضلة ملء الشواغر للعام الدراسي 2015/2014

تعلن جامعة البعث عن مفاضلة ملء الشواغر للعام الدراسي 2015/2014
مسا الخير جميعاً هام لكل طلاب التعليم المفتوح ..
بالنسبة للتسجيل بجامعة البعث / التعليم المفتوح ..
تعلن جامعة البعث عن مفاضلة ملء الشواغر للعام الدراسي 2015/2014 للبرامج التالية لغاية 27 الشهر :
1- برنامج الترجمة لغة انكليزية
2- برنامج الترجمة لغة فرنسية
3- برنامج التسويق والتجارة الالكترونية
جامعة_دمشق معلوماتي انو في شواغر وانشالله وفيرة
جامعة_حلب لسا ما اعلنو عنها ..
جامعة_الفرات طولو شوي واتأخرو علينا ..
( لأنو أصلاً كان في تأخير بالمفاضلة عندن يعني بدن يومين )
انشالله قريباً لح ابدا اشرح كل تخصص لوحدو .. بشكل مفصّل ..
التسجيل المباشر للي مو طالعلو اي اختصاص لحد الآن أو للي ما قدم عالمفاضلة أصلاً بيقدر يقدم انشالله بشرط وحيد
( انو المعدل يكون بيطلعلو حسب نتائج المفاضلة )
يعني مابصير واحد مجمع أقل من الفرع بعلامتين يسجل ..
مستحيل هاد الشي يصير .. فقط عالعلامة نفسها أو أعلى منها
في موضوع هااام جداً هو التخصصات :
يعني المسموح التحويل عليه من الجامعات السورية لجامعة دمشق هو خمس تخصصات فقط لا غير :
إدارة المشاريع المتوسطة والصغيرة , المحاسبة , الترجمة إنكليزي
المحاسبة , الدراسات القانونية , رياض الأطفال ..
يعني واحد اختصاصو " ترجمة فرنسي " ما بيقدر يحول
بالنسبة لاختصاص " الإدارة والمحاسبة في المشاريع "
لح اسأل إدارة جامعة دمشق ازا كان في مجال للتحويل لـتخصص
" إدارة المشاريع المتوسطة والصغيرة " ..
انا عم تابع كل شي عم يصير ما عدا هالكلام بكون مجرد شائعات وما بدي ياكون تتعلقو .. خلينا عالكلام الرسمي نشتغل ..
موفقين طلاب
Hossam Al-Khoja