المفاضلة سوريا - أسئلة شائعة حول المفاضلات



وزارة التعليم العالي سوريا , المفاضلة سوريا - أسئلة شائعة حول المفاضلات مفاضلة الموازي مفاضلة المنح للجامعات الخاصة مفاضلة العرب والأجانب المفاضلة العامة

السلام عليكم و رحمة الله وبركاته ^_^
لقد قررت أن أكتب هذه السلسلة بعد أنْ رأيت العديد من الطلاب يستفسرون ويسألون أسئلة يجب أن تكون واضحة تماماً لديهم ..
لذلك سوف أقدّم لكم جميعاً سلسلة تتألف من حلقاتٍ عدّة أحاول فيها أن أحيط بكامل استفساراتكم كما سأزودكم بالقليل من الخبرات والمعارف التي ستقودكم إلى الطريق الصحيح إن شاء الله .
الحلقة الأولى ( أسئلة شائعة )


هناك الكثير من الأسئلة التي تطرح في الجروبات التي أتابعها على الفيسبوك أغلبها تدور حول المفاضلة و هذه الأسئلة تنتج عن عدم علم أو دراية بماهيّة المفاضلة لذلك سأحاول أن أعالج أسباب هذه الأسئلة و أوضّح الأمور الإدارية المتعلقّة بالمفاضلات .

المفاضلة العامة


هي السنة مفاضلة وحدة و لا تنتين ؟؟! :
الكثير سمع بهذا السؤال و ربمّا كان من أكثر الأسئلة الشائعة في أوساط طلاب البكالوريا و الجواب هو : هناك في كل عام ( مفاضلة واحدة فقط ) حيث تقوم الوزارة بإصدار الحدود الدنيا لجميع الكليات ويقوم الطلاب جميعاً بعدها بالتقدّم حسب الكليات المتاحة و سنـتـنـاول موضوع الرغبات و الترتيب المناسب في الحلقة اللاحقة من هذه السلسلة و بعد ذلك تصدر ( نتيجة المفاضلة و التي تُعرف باسم المفاضلة الثانية بين الطلاب ) و تصدر مع هذه النتيجة الحدود الدنيا النهائية الخاصة بكل كلية و يتم القبول على أساسها .
قديش ممكن ترتفع المعدلات فوق المفاضلة الأولى ؟؟! :الحقيقة لا أحد يستطيع الجزم بهذا الموضوع و لكن عادة و حسب متابعة المفاضلات الخاصة بالأعوام السابقة
فإنّ الكليات الطبيّة غالبا ترتفع بحدود 3 - 4 علامات
وكليات الهندسة بحدود 4-12 علامة حيث هناك بعض الهندسات مثل العمارة تقفز بحدود ال18 علامة أحياناً
كما أن باقي الكليات تزيد بحدود 5-10 علامات حسب الإقبال.
وفي إمكان إنو ماترتفع أبداً.
المهم هو أنّه عليك زميلتي أو زميلي الطالب في هذه السنة أن تضعي الرغبات وأن تتقدمي وأن تعلمي أو تعلم أنّ الله لن يختار لكِ أو لك إلاّ ما هو خير وما هو الأنسب لشخصيتّك ولمستقبلك.
وفي الحلقة اللاحقة سأتحدّث بشكل مفصّل عن موضوع الرغبات فأدعوكم للمتابعة.
ايمتى التقديم و وين ؟؟ وشو الوراق ؟؟ :
الحقيقة أنّ كل هذه التفاصيل موجودة بالملفات الخاصة التي تقوم الوزارة بإصدارها على موقعها الإلكتروني.
كل ماعليكم هو قراءة هذه التفاصيل بتركيز وسوف تجد الإجابات كاملة وبسهولة مطلقة :D .
للمزيد اقرأ الموضوع التالي : مفاضلة البكالوريا 2014 - 2015 الاجابة على أستفسارات الطلاب
بيصير سجل جامعة دمشق وخاصة؟؟ :
طبعا بيصير وهاد الأفضل إنكم تعملو ..ولح حطلكم الحالات يلي بتقدرو تجمعو فيها شهادتين
جامعة حكومية مع جامعة خاصة
جامعة حكومية مع مفتوح
جامعة حكومية مع افتراضية
طبعا الجامعة الحكومية تتضمن “عام و موازي “
هذه السنة 2014 صدر قرار يمنع جمع شهادتين أثناء الدراسة والحقيقة لا أحد يعلم إن كانوا سوف يقومون بتطبيقه هذه السنة أم سيتغاضون عنه لذلك من الأفضل أن تقوم بالسؤال في وزارة التعليم العالي قبل أن تتسرع
بعد ادي بتطلع نتيجة المفاضلة ؟؟ :
آخر موعد لتقديم الطلبات بعدو بأسبوع تقريبا أو أكتر بقليل.
وهيك بكون حاولت استوفي الأسئلة الخاصة بالمفاضلة العامة وإن شاء الله اتكونوا استفدتوا .
مفاضلة الموازي


ايمتى مفاضلة الموازي مشان الله ؟؟! :

مفاضلة الموازي بالعام الماضي صدرت بعد نتائج المفاضلة العامة .
أحد السنوات قاموا بدمج المفاضلتين ولكن كان هناك إشكالات ولم يطبّق هذا القرار الخاص بالدمج مرة ثانية.
أي جميع الطلاب الآن عليها أن تقدم للمفاضلة العامة وبعد ظهور نتائج المفاضلة العامة تظهر مفاضلة خاصة بالتعليم الموازي يتقدم إليها الطلاب ومن ثم ينتظرون نتيجة مفاضلة الموازي .. بدكم تستنـــــــــــــــوا كتيـــــــــــــــــر متل مااستنينا :D
بحسن ادرس موازي وعام سوا ؟؟ وشو هو الموازي منيح ولا سجل جامعة خاصة ؟

لاتستطيع الدمج بين التعليم العام والموازي لأنه فعلياً هو نفسه وتابع لنفس الجامعة
فكرة التعليم الموازي هو أنه يخصصّ في استيعاب كل كليّة نسبة محددة لطلاب الموازي
وطلاب الموازي يقومون بدفع مصاري أكتر مقابل تعليمهم فهناك أقساط محددة تتجدد كل عام وتقوم الوزارة بتحديد الأقساط في إعلان مفاضلة الموازي..
يعني الموازي بالمشرمحي بيتخرج معو شهادة جامعة دمشق ومتلو متل أي طالب عادي بجامعة حكومية
فالموازي منيح وبيضل الرسم تبعو أرخص بكتييير من قسط الجامعة الخاصة في حال كان الفرع يلي رغبانو طالعلك عليه
قديش قسط الموازي ؟؟ :
كل عام دراسي له قسط محدد خاص به
والأقساط الخاصة بالعام 2012-2011 كانت كالتالي
رسوم الخدمات الجامعية في التعليم الموازي وتسدد سنوي اً 160000 / ل.س لكليات الطب البشري – طب الأسنان – الصيدلة. / – 110000 / ل.س لكليات الهندسة بفروعها كافة / – 60000 / ل.س لكليات الزراعة – الطب البيطري. / – 40000 / ل.س لكليات العلوم. / – 35000 / ل.س لكليات الآداب بأقسامها والشريعة. / – 50000 / ل.س لباقي الكليات. / – 50000 / ل.س للمعاهد الملتزمة ( الخطوط الحديدية بحلب – التقاني للنفط والغاز في الرميلان وحمص و دير الزور) / – 35000 / ل.س لمعاهد (التعويضات السنية– الصحية- الطبية- الحاسوب). / – 30000 / ل.س لباقي المعاهد. /
والعام الماضي سمحو بالتسديد على دفعتين نصف المبلغ بالفصل الأول والنصف الآخر مع بداية الفصل الثاني .
للمزيد اقرأ الموضوع التالي : رسوم التعليم الموازي في سوريا

إذا طلعلي شي عالعام و شي عالموازي بقدر اختار بيناتن ؟؟ :
طبعا بتقدر تختار بيناتن .. فيك تستنى نتيجة المفاضلة تبع الموازي وتداوم باللي بدك ياه وتسجلّ باللي بدك ياه
بدون أي إجراءات تانية لأنو اسمك بيكون وصل على قوائم الكليّتين وانت بس بتسجل وبتّثبت تسجيلك باللي بدك ياه.

وهيك بكون حاولت اشمل جميع الأسئلة لهلأ وبس يصير وقت الموازي لح عدّل الموضوع و زيد الأسئلة المطروحة.
مفاضلة المنح للجامعات الخاصة


ايمتى مفاضلة المنح بتطلع ؟؟ :
مفاضلة المنح بتطلع بعد صدور نتائج مفاضلة الموازي بالعادة مشان الطلاب يلي ماطلعلوا عالاتنين يقدم ويعرف حالو
فيني سجل منحة وعام أو موازي ؟؟ :
لاء. لأنو مفاضلة المنح هية تابعة لوزارة التعليم العالي وإذا اخترت المنح بتخسر مقعدك بالجامعات الحكومية سواء عام أو خاص وبتعتبر آخد مقعدك عند الوزارة لأنو عم تدرس على حسابهن.

إذا قدمت على مفاضلة المنح وطلعلي مقعد وانا بالاصل طالعلي فرع بالعام او الموازي فيني اختار بيناتن ؟؟ :
اي بعد نتائج مفاضلة المنح في فترة أسبوع بيحق للطالب إما تثبيت تسجيلو أو إلغاؤه.

كل العالم بيقولو مفاضلة المنح بدها واسطة ؟؟ :
العالم بيضلو بيقولو وإذا بدك تسمعلن بحياتك مابتعمل شي :D
مفاضلة المنح مافيها واسطة ومتلها متل مفاضلة العام أو الموازي وبتعتمد على عدة عوامل: المجموع وعدد المقاعد المتاحين والعمر فالأفضلية دائما للأصغر عمراً .
والأسئلة قابلة للزيادة مع الوقت بس شوف أسئلة عن هالمفاضلة

مفاضلة العرب والأجانب


ايمتى مفاضلة العرب والأجانب والله طولّت ؟؟ :
عالأغلب هالمفاضلة بتطّول لتطلع
ونتيجتها بتطوّل كمان يعني ممكن تطلع بعد نتيجة المفاضلة العامة.


للمزيد اقرأ الموضوع التالي : مفاضلة البكالوريا 2014 - 2015 الاجابة على أستفسارات الطلاب

====================================================
وهنا تكون انتهت الحلقة الأولى من سلسلتنا
أسأل الله أن تكون عاملاً مساعداً لكم.
وأدعوكم أن تتابعوا الحلقات اللاحقة حيث ستحوي معلومات قيّمة ومفيدة لكم إن شاء الله.
الحلقة القادمة بعنوان “الذكاء المفاضلاتي || كيف ترتّب رغباتك بذكاء ؟؟ “
انتظرونا ^_^
الكاتب : عـالـــيـة الــحـمـوي
المصدر : هنــــــــــــا







مواضيع اضافية




نتائج المفاضلة العامة البكالوريا العلمي 2010 - 2011 سوريا المفاضلة الثانية

التفاصيل: وزراة التعليم العالي تحميل المفاضلة العامة العلمي الثانية سوريا البكالوريا نتائج مفاضلة البكالوريا العلمي الحدود الدنيا المفاضلة العامة الجمهورية العربية السورية وزارة التعليم العالي في سوريا الحدود الدنيا لمجمو النقاهة (Recovery) ...




أنواع المفاضلات بالجامعات الحكومية في سوريا

التفاصيل: نعرض لكم زوار و اعضاء موقع علوم للجميع أنواع المفاضلات بالجامعات الحكومية في سوريا مفاضلة البكالوريا في سوريا شهادة التعليم الثانوي الثالث الثانوي اعداد الاستاذ أ مهند دين مقدمة المفاضلة جاية من كلمة تفضيل ي التدفئة والتهوية وتكييف الهواء (Heating, ventilation, and air conditioning) ...




نتائج مفاضلة البكالوريا سوريا 2006 - 2007 المفاضلة الثانية للبكالوريا سوريا

التفاصيل: تحميل نتائج مفاضلة البكالوريا سوريا سنة نتائج مفاضلة الثالث الثانوي شهادة التعليم الثانوي المفاضلة الثانية سوريا الحدود الدنيا للقبول الجامعي للعام الدراسي للحاصلين على شهادة التعليم الثانوي الفرع العلمي م برمجيات الأعمال Business Software ...




نتائج مفاضلة البكالوريا سوريا 2007 - 2008 المفاضلة الثانية للبكالوريا سوريا

التفاصيل: تحميل نتائج مفاضلة البكالوريا سوريا سنة المفاضلة الثانية سوريا البكالوريا العلمي نتائج مفاضلة الثالث الثانوي شهادة التعليم الثانوية العامة المفاضلة الثانية سوريا الحدود الدنيا للقبول الجامعي للعام الدراسي الاحتياجات الطبية Medical Needs ...




نتائج مفاضلة البكالوريا سوريا 2008 - 2009 المفاضلة الثانية للبكالوريا سوريا

التفاصيل: تحميل نتائج مفاضلة البكالوريا سوريا سنة المفاضلة الثانية سوريا البكالوريا العلمي نتائج مفاضلة الثالث الثانوي شهادة التعليم الثانوية العامة المفاضلة الثانية سوريا الحدود الدنيا للقبول الجامعي للعام الدراسي ذهب (Gold) ...


الكلمات الدلالية

أسئلة، المفاضلات، المفاضلة، شائعة، سوريا، زراعة الشعر Hair Transplant، النقاهة (Recovery)، برمجيات الأعمال Business Software، ذهب (Gold).