كلية الأداب اللغة الانجليزية - معلومات لكل مهتم بالتسجيل بهذه الكلية

معاينة ملف الـ pdf كلية الأداب اللغة الانجليزية - معلومات لكل مهتم بالتسجيل بهذه الكلية

معلومات اضافية من مشاركات الاعضاء
في حدا مابيعرف هالاقتباس لمين !!
هاد لجدي (شكسبير)
هاد يلي رح نسمع عنوو كتييير اذا اخترنا فرع الأدب الانكليزي ..
هالفرع يلي بيوديك ع عاالم تاااني خاصة اذا كان حلمك تعيش ببريطانيا .. بهالفرع رح تعيش فيها بخيالك .. لما بتلاقي يلي حواليك عم يحكوا باللغة يلي انت اخترتاا .. و بتتعرف ع ثقافة البلد اكتر ..
رح تعرف كلشي بخصوص الادب الانكليزي من المؤسس للكاتبين من (روائيين و مسرحيين و شعراء)..
بتدرس ادب الانكليزي ع أربع سنين ..
طيب شو بدي صير بال#future
هاد يا سيدي ((رح تقدر تكون استاذ))
و رح تكون ((مترجم .. رح تقدر تشتغل بأي شركة كونك ضامن اللغة بجيبتك ))
طيب فيني اشتغل بمجال الإعلام ؟؟
لكك طبعااا اكيييد
و كل سنة فصلين و بكل فصل في مواد مختلفة عن الفصل الي قبل ..
هلئ بال#السنة_الأولى / #الفصل_الأول
عندك :
1-#الشعر (poetry) .. بهالمادة رح تتعرف ع الشعراء و نبذة عن حياتهن .. رح تاخد تشبيه و استعارة و تشخيص .. طيب !! في بحور متل العربي ؟؟
اي في عنا 7 بحوور .. هنن سهلين بس بدهن تركيز و ممارسة ع طول ..
2-#النثر (Prose).. بالنثر رح يكون عندك قسم عملي و قسم نظري .. النظري رح تتعرفوا ع الرواية و أقساما و مؤلفينها و هيك يعني ..
بالعملي رح يكون عندك رواية بيطلبا منك دكتور المادة و انت لازم انك تقراها ..
3-#الإنشاء (Composition) .. سئيلة شوي هالمادة #بالنسبة_الي
رح تتعلم أساسيات الكتابة للمواضيع و المقالات و سنة عن سنة بتتوسعوا بدراستها اكتررر ..
4-#الترجمة (Translation) .. هون رح تتعلموا كلمات جديدة .. مرادفات .. اختصارات .. بيفيدوكن بعملية الترجمة .. الدكتور تبع المادة بيختار نصوص ممكن تكون سياسية .. طبية .. اجتماعية .. اقتصادية ..
و بيعطيكن امثلة عن كل نص ..
5-#اللغة (Language).. رح تدرسوا اساس الكلمة باللغة .. اساس الافعال .. و كيف بتكتبو الكلمة و اذا هي من قسمين و لا تلاتة ..
و شو تصنيفا .. ((وظيفية / قواعدية ))
6-#اللغة الأوروبية .. هون عنكن اختيااراات
*#ألماني : طبعا اساسيات و بتتوسعوا فيها كل سنة .. ((سهلة بس كلماتا طويلة))
*#فرنسي: معروفة و دارسينها ففورا رح تبلشوا بشغلات انتو اخدينها و تتوسعوا فيها ..
*#إسباني +#روسي كمان من البداية و بتتوسعوا مع السنوات ..
"انت بتختار و اول ما بتقدم امتحان بواحد من هالخيارات صارت لغتك الأوروبية التانية مابئا فيك تغيرا .."
7-#ثقافة (culture).. يعني قومية و لااا ابسط من هيك
8-#عربي (Arabic).. قواعد من الاعدادي اخدينها و نصوص .. هيك خلصنا فصل اول ..
------------------------#فصل_تاني
طبعا عربي و ثقافة خلصنا (Delete)
نثر و شعر .. (فصل أول درسناهن فصل تاني ما مندرسهن) راحت للسنة يلي بعدا
فبينزلوا هدوول المواد بدالهن ..
1-#مسرح (Drama) بتعرفك ع المسرح البريطاني و كيف بتكتب المسرحية و خصائصها و دكتورة المادة بتطلب منك مسرحتين بدك تفهمهن لحتى تطبق ع النظري ..
2-#أصول_البحث (Research method)
بهالمادة رح ناخد أساسيات كتابة حلقة بحث ..
صعبة شوي بس اذا بتركزوا فيها و لا أسهل ..
3-#قصة_قصيرة (short story) رح تدرسوا القصة و منشأها و خصائصها و أنواعها ..
و رح ينطلب منكن تقريبا 14 قصة .. كتير قصار و مفهومين ..
4-#الصوتيات(phonitecs) بهالمادة رح تدرسوا صوت كل حررف ..و مخرجوا و كيف اللفظ رح يكون بالبريطاني و كيف بيختلف عن الأمريكي .. و الله لنكيف مادة و لا أمتع
5-#إنشاء .. (composition) بهالفصل رح تتعلمووا كتابة المقالات و أنواعها و هكوزا
6-# أوروبي .. كل واحد و شو اختار رح يستمر باختيارو ..
7-#ترجمة (Translation).. رح تكملو بمفردات و كلمات جديدة .. و مصطلحات ممتعة
________________________
رح احكي هلئ ع الصعوبات يلي ممكن تلاقوها ..
1-رح تلغوا الحكي بالعربي أثناء المحاضرات ..
يعني كلشي رح تسمعووه (انكليزاوي)
2-اصحكن اذا سألكن شي دكتور أي سؤال تجاوبوا (I don't know) فورا بقلكن لبرا ..
3-لا تسمعوا لأي حدا بقلكن اصحكن تدرسوا من المحاضرات .. بالعكس ادرسوا من المحاضرات و الحضور مالو بهالأهمية الا لمادتين (الشعر و الصوتيات) مشان الممارسة و تفهموا منيح ..
4-رح تواجهوا صعوبة اذا كنتو فايتين الانكلش لانو بس طلعلكن ع المفاضلة ..
مو نصيحة ابدااا تفوتوا اذا مالكن ادووو .. "دايما تزكروا انو اذا حبينا شي رح نأبدع فيه كتير .. و بقلكن :
((ع اد هالفرع ممتع و بجنن )) ع اد مو صعب و لا زمو تركيييز

مواضيع اضافية

التفاصيل: مجموعة من المعلومات الاساسية لجميع الطلبة الراغبين بالانتساب و دخول دراسة كلية الأداب اللغة الفرنسية مقدمة عن الكلية الفرنسي و الاختصاصات و مستقبل الكلية والمقررات المواد مع بعض الملاحظات و المزيد نرجو من جميع الرا النائب (Attorney) ...

التفاصيل: كل ماتود معرفته عن كلية الاداب في سوريا من حيث الاختصاصات و مجالات العمل لخريجي هده الكلية الضخمة بعدد طلابها كلية الأداب معلومات لكل مهتم بالتسجيل بهذه الكلية هل تحب أن تتجول وأنت تحمل كتابك في يدك؟ إذاً فإن دراس خدمات الترميز الطبي Medical Coding Services ...

التفاصيل: كلية طب الاسنان مقدمة عن هذه الكلية وماهي المهارات التي يجب ان تمتلكها ايجابياتها سلبياتها شرح عن التكلفة المادية لدراستها وماهي المواد الدراسية الخاصة فيها بجميع السنوات الدراسية مع بعض الملاحظات القيمة أولاً اعادة تأهيل Rehab ...

التفاصيل: دراسة و التخصص بالفلسفة بكلية الاداب قسم الفلسفة بالجمهورية العربية السورية تعرف معنا على علوم الفلسفة كلية الفلسفة معلومات لكل مهتم بالتسجيل بهذه الكلية الجمهورية العربية السورية من الدول العربية القليلة التي تدرس الدعوى (Claim) ...

التفاصيل: الصيدلة شرح كامل عن كلية الصيدلة معلومات هامة عن تفرعاتها و اختصاصاتها و معلومات عن المواد و المزيد كلية الصيدلة معلومات لكل مهتم بالتسجيل بهذه الكلية تهدف كلية الصيدلة إلى إعداد الصيادلة وتأهيلهم في الاختصاصات والمه القروض (Loans) ...