شاميات : أمثال شعبية - مصطلحات - قصص وحكايا وروايات و ...
مصطلحات شامية عتيقة جداً نكت شاميات مقهى شاميات زغاليط شامية مصطلح شامي
مصطلحات شامية
شلفو بالشحاطة : اي رماه بحذاء المنزل شروي غروي : اي كلام فاضي من هنا وهناك لا معنى له شلفط شلفطة : و تقال عن الحرق او عند اكل ما هو حار او حد روح لعاب بعيد : اي لا تتكبر او تبالغ .
ورجيني عرض كتافك : اي اذهب رافقتك السلامة (بمعنى اخر انقلع من وجهي).
بحبش : اي بحث جاب اجلو : اي ضربه حتى الموت انسـّم بدنو : حالة الانزعاج الشديد اجتو الناعوسة : حالة الشخص الذي تصيبه حالة النعاس .
اجتو الجمده : أي تفاجأ من أمر .
طلع بلعو : لما الواحد بيكرر امر لدرجة الملل. تنح : عنيد .
أمثال شعبية شامية _ أبرد من طين الشتا (طين الشتا هو مخمورية الطين حيث تجبل التربة بالقش ويطيّن بها الدار وتكون باردة في الشتاء والمثل لمن قلبه بارد ) . _ لزقان متل التمرتينا ( التمرتينا : نبات طبي ) . _ قرش فوق قرش ولا نفخة كرش ( نفخة كرش : كثرة الطعام ) . _ عم يقطع ويلحش ( بائع العوامة يقطع من عجينة العوامة ويلقيها في الزيت بسرعة والمثل للذي يتكلم بلا روية ولا تفكير ) . _ شيخ نجيب بياخد وبيجيب ( الأخبار ) . _ شوربة عبد اللطيف للقوي والضعيف (وصفه واحده لكل الأوجاع والآلام ) _ قال خود حكي متل الرصاص ، قال له : خود جناب متل الطناب ( الطنب : حبل متين تشد به الخيمة ) . _ قالوا السّمار ولا البياض أحلى ، قالوا اللي شاري جوا العين أحلى ( أي الحبيب ) . _ لاترمينا بحجارك ( الكلام غير معقول ) . _ إذا شرب ضيفك استبشر ( بالشبع عند الأكل ) . _ مافي بالعلية ولا قمحة ( العلية : رأس الإنسان والمثل للإنسان الذي بلا عقل ) . _ بتلاقي العت بأحسن قماش ( والمعنى : في الناس الصالحين واحد شقي ) . _ أكلة نقانق وراها خوانق ( إنها امرأة تبذر مالها بالزينة حتى تنتهي إلى الفقر ) .
مغازلة شامية ( أذا مانك شامي لا تئرا وتعذب حالك لأنو ما رح تفهم شي )
من أول ما شفتها خلتني حبّها هالضرسانة مع أنها مطبلجة طبلجة وخدودها متل الرمانة
من أول نظرة لمحتها ئلتلها وين مسلحبة يا سلالة ئالتلي أمشي بطريئك أحسنلك مالك ئد هالأنسانة
ئلتلها ئصدي شريف وشايفك ضجرانة ئالتلي علئتك معي وخمة انا مالي فلتانة لك تشكلي آسي ئديش حبيتك و تأرمت جنابي من الطريئ على ئد ما استنيتك وأنا طول نهار سرّي مرّي ئدام بيتك والجيران تحمضولي على أتلة يخرب بيتك ولو مازمئت كنت علئت شو علئة الله وكيلك بس لا تخافي محسوبك بيعجبك وعلى كيفك سريع بالركض وما حدا بيئدر يجاريني المهم مالك بطول سيرة انتي عاجبتيني ومحسوبك مالي مكولك ولا نسونجي بحب البنت الدلوعة يلي متلك تؤبشيني
بس بتمنى ماتكوني شرنة وبحياتي ما تهنيني ولا شاضومة عالطالعة والنازلة تبهدليني عليّ ما عليّ بشمطك مخمس تبطلي تشوفيني إذا استبينا يابي ياريت رقمك من الشباك تلحشيلي لخلي ميمتي تحاكي ميمتك وتنوريلي بيتي..
ترجمة بعض التعابير الشامية
بدك الصحيح والا ابن عمه ........ مقدمة لكذبة من الحجم العائلي
شو بدك بطول السيرة................ جملة محشورة داخل قصة يزيد عدد كلماتها عن 100000000كلمة
وماشفنالك إلا ............. يعني موسيقى تصويرية قوتها 7.9 على مقياس ريختر لقصة سخيفة
وما كذبت خبر ................. عبارة لنفش العضلات وبداية لكذبة ورسم بطولات ما حصلت إلا بالخيال
انت لسا ما بتعرفني............... تقال عندما يشعر المتكلم انه تبهدل وانمسحت بكرامته الارض
الله يستر عليها.............. تقال بعد نهاية كل قصة تم فيها نشر غسيل جميع بنات الحارة وصديقات بنات الحارة
------- تعليق -------
مصطلحات شامية دشرو : يعني حل عنو ماني غضران : يعني لست بقادر (وهي بالميداني) يوه تشكلو آسي : يوه مفرده يأتي شرحها لاحقاَ تشكلو آسي (بعيد الشر) تعبير يفيد شدة حب المتكلم للمتكلم عنه .... الواه الواه : تعبير نسائي قح يفيد التمسخر على شيء ما معبّا بـ بنطرون : يعني واحد أجدب وجاية يحكي ولا : آداة تستخدم في النهر والشتم وخنان : مسبة مانها ظريفة بس وضعت للضرورة اللغوية دشّرني : أي حل عني ... وحل عني يعني اتركني بحالي أيدي بزنارك : تعبير يستخدم للتعبير عن الرجاء دخيل الله : أيضاَ تعبير والمقصود به هو الاستغاثة بالله شعره متل الشوشة : أي أن شعره منفوش ومنكوش وضرّاب السخن : وهي مسبة.. وتعني .... مابعرف مسبة وبس يوه الواه الواه : مفردة شهيرة جدأ عند النساء وتفيد الأوية كوكش : يعني يفتش بحبش : أيضاً مفردة تعني البحث مع التمحيص ينمحق : ويعني ينضرب على قامتو .. يسطفل يبعتلو حمى : أي تصيبه حمى ويمرض يتحورق : متل يبعتلو حمى يتقوص : بنفس المعنى يتأمع : كمان هيك شي عود يقعد رزك : يعني خيلتنا حاجة تحوص والمعنى الأدق: يقعد رزك يعني تموت والناس ياكلو رز.. لأنو من المعروف عندما يموت حدى بتصير عزيمة وبيطعمو الناس أوزي على روح الميت والأوزي أكلة معروفة بالشام وين غاطط : وين مو مبين والسبع تنعام : يعني إلنا الشرف حيط بياخذو وحيط بيجيو : تقال للي بيسكر من كتر الترنح مابيعرف الخمسة من الطمسه : عن الرجل اللي ماعندو ثقافة سرّي مرّي : عاللي بيخفق برات البيت شندي بندي : للي بيحكي بلا طعمه شروي غروي فايت بالحيط – طاقق الفيوز : للدلالة على انو ماعم يلاقي كلمة مناسبة مجنط : مفلس ولا قرش كحته : إيدو ماسكه .. بخيل شاطط ماطط : يعني مدلع زيادة نعيان : يعني قلبو بارد نايط = نعيان = بارد شاضومه : بنت مجلوئة .. يعني كيف بدي إلكن .... قليلة أدب ومصبينه شحاطة : مايلبسه المرء في قدمه عندما يكون في المنزل تعسيله : نومة بعض الظهر مسرسبة : يعني بتحب النظافة كتير أسسيييع : بمعنى وسع وفسح طريق
------- تعليق -------
( معلم ): أكثر المصطلحات استخداماً عند السوريين، حيث لا تكاد تخلو جملة من وجوده، ويستعمل في مختلف الأوساط والمناسبات، أمثلة على ذلك: ( في التخاطب الرسمي ): أمرك معلم، ( في الطلب ): نزلنا عندك معلم، (في السؤال): قديش الساعة معلم، (في التحية): كيفك معلم، (في النداء): معلم...كلو معلم معلم ( طقطقة البراغي ): مصطلح ليس ميكانيكياً كما يبدو، وإنما هو مصطلح يتم استخدامه بكثرة في الأوساط العامة، ويعني تشويه السمعة والتحدث بالسوء عن شخص، فيقال: ((فلان طقلو برغي لفلان)) أي تحدث عنه بالسوء فأفسد له الأمر. الاكرامية ): ترمز إلى الرشوة عند السوريين ويكثر استخدامها بالدوائر الحكومية بشكل ملحوظ. ( خمس ليرات ): هو ما يطالب به سائق سيارة الأجرة كمبلغ اضافي على المبلغ المشار إليه في العداد. ( خمس وعشرون ليرة ): هو مبلغ متعارف عليه محلياً يقدم لشرطي المرور مقابل تعاونه وجهوده. ( المرسيدس ): هي حلم أكثر من كونها سيارة، يتمناها كل مواطن سوري مقيم، ويقتنيها كل سوري مغترب تشبهاً بالمسؤولين وأصحاب النفوذ في بلده. (البكالوريا): هي حالة استنفار وارهاق وصداع حاد تصيب العائلة، مع بداية العام الدراسي وتزداد تصاعدياً لتنتهي بكارثة المفاضلات. ( بساط الريح ): وسيلة تعذيب واستجواب يقال انها كانت تتبع في فروع الأمن، لكنها مازالت محفورة في أذهان السوريين. ( بنت ): تعني فتاة... ( لساتها بنت ): تعني مازالت عذراء... ( ساحة الأمويين ): مصطلح يدل على ساحة كان لها مكانتها في قلوب السوريين قبل أن يأتي المغول ويحطموا كل شيء فيها
------- تعليق -------
يلي ماداق (ذاق ) المغراية ( عصا تستعمل لحرق الغراء المغلي ) مابيعرف شو الحكاية . ويقال للجاهل ما يدور حوله - يلي ما بتزينه عروقه , مابتزينه خروقه (لباسه ) . يقال لصاحب الاصل - خطف الكباية من راس الماعون ( الجرن ) . يقال للمتسرع في الامور - مو (ليس) كل مين صف الصواني ال (قال ) انا حلواني . يقال للمهارات - اذا صاحبك عسل لاتلحسه كله . ياقال للطمع بالشيء - يلي بيته من ازاز (زجاج) مابيضرب الناس بالحجار . يقال لمن هو دون الاتهام - عميل منيح (جيد ) وكبه (القيه) بالبحر . يقال للحث على فعل الخير - يلي ما بيحضر ولادة عنزته بتجبله( تأتي له ) جرو . يقال للاعتماد على النفس بالعمل - من بعد حشيشي عمره ما ينبت حشيش . يقال للأناني - حط اصبعك بعينك بتوجعك متل ما بتوجع غيرك . يقال لعدم ايذاء الناس أمثال شعبية شامية - عشرة الناس بتتعب الراس . - ياجاري انت بحالك وانا بحالي . يقال في البعد عن اذى الجار - العين بصيرة والئيد (اليد ) اصيرة (قصيرة ) .يقال في عدم المقدره على فعل مايراد - يلي بينزل من السما بتستلئيه ( تتلقاه ) الأرض . يقال للتوكل - خبز الرجال عالرجال دين وعالاندال ( الأنذال ) صدئه (صدقة ) . يقال للوفاء بالشيء - ضربة المعلم بالف ولو شلفها شلف . يقال في وصف مهارة الشخص - بيدوب التلج وبيبان المرج . يقال للصبر في معرفة الشيء - يلي دليلو(دليله ) جردون ياما بدو يفوت ششامي . يقال لمن يتبع الشخص الخطأ - مو(ليس ) كل اصابيعك متل بعضا ( بعضها) يقال للتمييز بين الاشياء - نئطة (نقطة ) دم ولاقنطار محبة . يقال للمحبة بين الاسرة - يلي بياكل العصي مو متل يلي بيعدا(يعدها ) . يقال لمن يتفرج على المهموم - الحجر يلي مابيعجبك بيفجك (يشجك ) يقال لتقدير قيمة الاخرين - الحكي (الكلام) الك ياجارة اسمعي يا كنه . يقال لتنبيه الكناين - فوتة (دخول ) الجار لعند الجار اولها مذله واخرها معيار.يقال لعد الخلطة بين الجيران - اذا بدك(تريد) مرتك (زوجتك ) تلين (تخضع) عليك بحطب التين .يقال لاخضاع الزوجة - الإيد (اليد) يلي مابتحبها بوسها وادعي عليها بالكسر .يقال لمن لايقدر على شخص ما - زوزك (زوجك ) على ما عاودتي وابنك على ما ربيتي . يقال لتقوية المرأة - غسلي وشك (وجهك) مابتعرفي مين بيبوسو(يقبله) ونضفي (نظفي) بيتك مابتعرفي مين بيدوسو(يزوره) - بتدء (تضرب) على ركبتها وبتطالع (تبين) كذبتها .يقال في تاليف المرأة للكذب - الارد (القرد) بعين امه غزال - يلي مابيغار من جارته بتطء(تطق) مرارته . يقال للتشجيع على المنافسه - يا مآمنه (مؤمنة ) بالرجال متل المي (الماء) بالغربال . يقال في عدم الامان للرجال - زيوان البلد ولا امح (قمح ) البلد . يقال في تفضيل اهل الحارة عن الغريب - لباس مافي (لايوجد) دكه (رباط السروال) باربتعش (14) .يقال لقليل التدبير - حارتنا ديقة (ضيقة ) ومنعرف بعض .يقال للمتكبر - على اد (قد) لحافك مد رجليك . يقال للمتهور - لاتنام بين الأبور (القبور ولاتشوف منامات (احلام) وحشة . يقال لعدم المخاطرة - يامسترخص اللحم عند المرءة (المرق ) تندم . يقال لمن يتهاون في الشيء - هالك لو تهلك ولو رموك عالمهلك . يقال للحض على حب الاهل - البي (قلبي ) على ولدي والب (قلب ) ولدي عالحجر . يقال في عقوق الابناء - الحماية حمة (حمى ) وبنت الاحما عئرب (عقرب ) مسمة . يقال في وصف بيت الاحمة - غسالة البطون احلى منه مابيكون . يقال لاصغر الابناء - الاب عاشئ (عاشق ) والام غيرانه والبنت بالبيت حيرانه . يقال لمن لايسطر على بيته - يلي بيطلع ( ينظر ) فيي بعين بتطلع فيه بعينتين .
التفاصيل: بسم الله الرحمن الرحيم
هذا شرح مبسط لبعض المصطلحات الكيميائية
على امل ان تنال اعجابكم
•الالكترون جسيم مشحون بشحنة كهربائية سالبة يمثل أصغر وحدة كهربائية حيث اكتشفه العالم ثومسون كتلته صغيرة جدا تساوي من كتلة ال تأمين Insurance ...
التفاصيل: مصطلحات بيئية
بعض المصطلحات البيئية المتداولة
مع تعريف مفيد وبسيط
ان شاء الله تكون مرجع للتعرف عليها
إزالة الغابات
إعادة التدوير
الأراضي الخدمات النقدية وقروض يوم الدفع Cash Services & Payday Loans ...